OOM het in 2020 tot stand gekom toe die Solidariteit Beweging besluit het om formeel ‘n kantoor in Orania oop te maak. Vanuit die OOM-kantoor word die werksaamhede van die Solidariteit Beweging in Orania gekoördineer en ontwikkelingsprosesse en -projekte ondersteun en onderneem om Orania te ontwikkel vanaf ‘n dorp tot ‘n stad. Benewens die ondersteuning aan instellings in Orania gebied word, is OOM direk by die volgende ontwikkelingsprojekte betrokke:

1. Tersiêre en beroepsopleiding via Bo-Karoo Opleiding MSW.
2. Ontwikkeling en diens van nuwe woon- en besigheidserwe via Orania Groeikrag (Edms) Bpk.
3. Eiendomsontwikkeling, wat insluit die ontwikkeling van nywerheidskorwe en -erwe insluit, sowel as meenthuise, via Orania Eiendomsontwikkeling (Edms) Bpk.
4. Die ontwikkeling van geboue vir openbare gebruik soos byvoorbeeld Steenbok Herberg en die Bo-Karoo Gemeenskapsveiligheidsentrum, deur Orania Saambou (Edms) Bpk.
5. Sosio-ekonomiese behuisingsprojekte via Gannabos Behuising (Edms) Bpk en Gousblom Ontwikkeling (Edms) Bpk.
6. Die vestiging van ‘n Werk- en Welstandkantoor om Orania se arbeidskorps te ondersteun en goeie verhoudinge tussen werknemers en werkgewers te bevorder.
7. Ondersteuning aan Orania Helpmekaar MSW ter bevordering van gemeenskapsontwikkeling en maatskaplike sorg in Orania.

OOM het verder ook ‘n kantoor vir Besigheid en Belegging gevestig om voornemende inwoners en sakemanne te ondersteun in die vestigingsproses in Orania. Mnr. Christo Conradie staan aan die hoof van die kantoor vir Besigheid en Belegging en voer graag gesprekke en gee advies rakende vestiging in Orania. Enige voornemende inwoner of belegger kan met groot vrymoedigheid met mnr. Conradie skakel.

Kontakbesonderhede:
OOM
Tel: 053 030 0000
E-pos: ontvangs@ontwikkelorania.co.za

Kantoor vir Besigheid en Belegging:
Tel: 082 955 3002
E-pos: christo@ontwikkelorania.co.za